Градоначалникот на општина Гази Баба, Тони Трајковски и градоначалникот на град Скопје, Коце Трајановски, заедно со советниците на општината и Градот и жителите од Гази Баба, го промовираа проектот за изградба на фекална канализација за населените места од Ергеле до Дрма.

Овој проект е од голема важност за населените места Ергеле, Трубарево, Гоце Делчев, Колонија, Јурумлери, Идризово и Дрма, во кои живеат околу 16,000 жители, а ќе им биде решен долгогодишниот проблем кој го имаат жителите со фекалните води и септичките јами.

Овој проект е зедничка инвестиција на општина Гази Баба и градот Скопје, во вредност од 80,000,000.00 денари.

16.03.2013