Companies in MGB Business info centar | Invest in mgb  | Стратегии, Програми, Проекти

Локален Еколошки Акционен План

                                                          

 

     

 

Во рамки на подготовка на ЛЕАП - Локален Еколошки Акционен План за Општина Гази Баба потребно е вклучување на граѓаните со цел да партиципираат во идентификување на предизвиците поврзани со животната средина. Граѓаните е потребно да го дадат својот придонес преку пополнување на Анкетниот прашалник како би помогнале во креирање на идните приоритети на општината во обезбедување на амбиент за одржливо живеење во зелено опкружување.

Прашалникот може да го пополните на следниот линк

Буџет за сите

                                                          

 

     

 

Гази Баба се грижи - Приклучете се на месецот на хуманост

                                                          

 

     

 

Гази Баба се грижи - Приклучете се на месецот на хуманост

Општина Гази Баба во периодот 2.10 до 2.11 ја реализира досега најголемата хуманитарна акција насловена „Месец на хуманост – Гази Баба се грижи“. Оваа акција опфаќа донирање на храна, облека и мебел за лицата од ранливите категории. Исто така, ќе бидат опфатени и еко акции за чистење на неколку клучни локации во општината, активности за подигање на свеста за селектирање, рециклирање и собирање на отпадно масло за јадење, како и посебни денови за грижа за домашните миленичиња.

Месецот на хуманост претставува најголема хуманитарна акција од ваков тип која досега ја организирала една македонска општина. Акцијата поврзува и повеќе граѓански организации, општествено-одговорни компании, како и сите граѓани кои сакаат да се приклучат и на дело да ја покажат својата хуманост и солидарност.

Партнери на Општина Гази Баба во спроведувањето на оваа акција се „Сите Сити - Ајде Македонија“, „Љубезност“, „Црвен Крст при Гази Баба“, „Копче“, „Ретвитни оброк“, „Лице в лице“, „Пакомак“, „Суниленс“, „Нула отпад“ и „Шепасти ентузијасти“. Исто така, во акцијата „Месец на хуманост – Гази Баба се грижи“ ќе бидат вклучени сите вработени во општинската администрација, бизнис заедницата, како и огромен број на јавни личности и волонтери кои несебично се понудија да го дадат својот придонес во рамките на оваа активност.

Со ова акција, Општина Гази Баба сака да покаже дека секој граѓанин за нас е важен и добива еднаква шанса. Хуманоста и солидарноста се од најголема важност, особено во период кога се соочуваме со Ковид-19, вирус кој ни го промени животот, но и остави многу наши сограѓани со нееднакви шанси и можности за секојдневно функционирање и егзистенција.

За таа цел, сите граѓани кои сакаат да се вклучат во оваа акција можат да купат и донираат прехранбени производи, хигиенски средства или облека секој работен ден помеѓу 10 и 17 часот на следните пунктови во Општина Гази Баба:

Дим Маркет во Железара
Кит-Го маркети и Кам маркет во Автокоманда
ДИМ маркет во Стајковци
S-market во Ченто

Дополнително, стариот мебел кој често завршува пред контејнерите, во рамките на оваа акција, граѓаните ќе можат да го донираат на семејства од ранливи групи.

Да покажеме заедно дека #ГазиБабаСеГрижи!

Политика на квалитет

Ревизорски извештај

Слободен пристап до информации

Top
We use cookies to improve our website. By continuing to use this website, you are giving consent to cookies being used. Cookie policy. I accept cookies from this site. Agree