Увид во градежните работи на улицата „Бапчор“ во Автокоманда, направи градоначалникот Тони Трајковски, кој во рамките на работните посети на градежните активности во Гази Баба беше орисутен и на асфалтирањето на улицата.

Имено, на оваа улица, која е многу фреквентна, се прави реконструкција, каде претходно се направија приклучоци на зградите од оваа улица, бидејќи се правеа нивни доградби и реконструкции.

Вкупната должина на улицата е околу 110 м, а активностите ги изведуваа општината заедно со ЈП Водовод и канализација, кои работеа на замената на водоводната мрежа и реконструкција на атмосферската и канализационата мрежа, а обврската за асфалтирањето е на општината.

Вкупната инвестиција е 1 милион денари, а работите ги изведува фирмата Адра од Скопје.

Градоначалникот рече дека со аваа активност ќе се подобри сообраќајот на населбата, но и апелираше низ оваа улица да не сообраќаат тешките товарни возила, иако е поставен таков сообраќаен знак, тој во многу случаи не се почитува.

23.04.2016