На четвртиот состанок на бизнис клубот на ОГБ со кој претседава г. Богослав Ангелоски од компанијата Ариље Метал, се дебатираше за Програмата за работа на БК на ОГБ за периодот 2016 – 2017 година.

Претседателот на БК на ОГБ го истакна значењето од усвојувањето на програмата за работа, со која се мапираат сите стратешки интереси на деловните субјекти од ОГБ и самата општина, а кои се составен дел од Одлуката за основање на бизнис клубот.

Секретарот на БК на ОГБ, Сашо Трајков, раководител на секторот за ЛЕР &ИКР во ОГБ, ја презентираше програмата за периодот 2016 – 2017 година, акцентирајќи ги стратешките насоки на делување на БК на ОГБ.

Во насока на унапредување на Програмата, сите членки на БК се согласија дека таа треба да биде флексибилна, и да се прилагодува во согласност со економските движења во економијата, потребите на компаниите и бизнис климата во локалната економија.

Се потенцираше и потребата на идните состаноци на БК на ОГБ согласно потребите да се поканат и претставници на надлежните Министерства во Владата на РМ, како и надлежните управи и агенции од делокругот на интерес на деловните субјекти за одредени специфични прашања.

На крајот од состанокот, се дебатираше и за примената на новодонесениот закон за whistleblowers и во приватниот сектор, со предлог секој од членките на БК на ОГБ дополнително истиот да го разгледаат и за истиот да ги изнесат своите размислувања vis a via истиот.

Повеќе за програмата на БК на ОГБ може да најдете на следниот линк:

http://www.gazibaba.gov.mk/business/index.php/mk-mk/biznis-i-eu-fondovi/biznis-klub

27.04.2016