Вo н.Маџари, во објектот на кино Маџари, започна да функционира советувалиште за проблеми предизвикани од злоупотреба на алкохол во соработка со Здружение на клубови на лекувани алкохоличари на Република Македонија.

Целта на советувалиштето е КВАЛИТЕТЕН ЖИВОТ БЕЗ АЛКОХОЛ односно, да се препознае лицето кое злоупотребува алкохол, да се процени дали е потребно лекување, спречување на многубројните и се поголеми ризици по животот и здравјето на целото семејство.

Истовремено ќе се овозможи поддршка и третман на жртви и извршители на семејно насилство поради злоупотреба на алкохол со индивидуално прифаќање, советување и взаемен договор за планирање на потребната помош и третман, преку вклучување во групи за помош и самопомош со цел постигнување на ресоцијализација и контрола на однесувањето.

Советувалиштето ќе биде отворено секој вторник од 17:30 до 19:30 часот каде секој заинтересиран ќе има можност за поразговара со стручно лице за проблемот поврзан со злоупотреба на алкохол.

15.04.2016