Градоначалникот Тони Трајковски го прими во работна посета претседателот на ТБАА Бајбарс Алтунташ од Турција и господинот Илиjа Вучков, Претседател на Европско-Македонскиот центар за иновации и знаење (EMKICE).

На средбата се поставија условите за понатамошна соработка која ќе овозможи на општината зајакнување на стартап заедницата во Македонија спојувајќи ги претприемачите и ангел инвеститорите од Македонија и странство при што го стимулира почетокот и растот на малите и средни претпријатија како и подршката за отварање на нови работни места.

Градоначалникот и господинот Алтунташ потпишаа меморандум за соработка сп кој треба да се создаде партнерство помеѓу општина Гази Баба и ТБАА (Турска асоцијација на Бизнис Ангели) и да ја продолжи соработката помеѓу бизнис ангели од Турција и ЕУ и се однесува на размена на информации, можни инвестиции, обука и промовирање на бизнис ангел-инвестирање во своите земји.

Господинот Бајбарс Алтунташ, има добиено признание од Европската Трговска Асоцијација на Бизнис Ангели и беше прогласен за најдобар поединец за ангажирање на глобално ниво во Европа во рамките на доделувањата на Светскиот Претприемачки Екосистем за 2014 и 2015 година. Тој бил и единствениот претприемачки Гуру кој добил посебно внимание од страна на Американскиот претседател Барак Обама во Белата ќука, пред да се одржи Претседателскиот самит за претприемништво во 2010 година.

29.01.2016