Општина Гази Баба продолжува со поставување на нова урбана опрема како и санација на веќе постоечката.

. Градоначалникот Тони Трајковски беше во работна посета во населбата Железара каде изврши увид во работните активности кои беа во тек.

Се уредуваше парковското зеленило , се санираа клупите и се освежија со нов слој на боја, а се поставија и нови корпи за отпадоци.

Градоначалникот напомена дека е од голема важност граѓаните да внимаваат на урбаната опрема , да не ја оштетуваат бидејќи само така ќе имаме убава и здрава околина.

Во следниот период овие активности ќе продолжат низ сите населени места во општината каде покрај реконструкцијата ќе се постават 100 нови клупи и 100 нови канти за отпадоци.

Во акцијата учествува и ЈКП „Гази Баба“ , каде вработените ја изработуваат урбаната опрема, а општина Гази Баба обезбедува материјал за истите.

16.06.2016