Општина Гази Баба во соработка со ЈКП „Гази Баба 2007“ го уредуваат зеленилото низ општината. Вработените ги косат тревнатите површини во парковите, зеленилото покрај улиците во урбаниот дел и покрај патот Стајковци – Раштак, како и спортските игралишта во Трубарево, Ергеле, „Гоце Делчев“, Колонија и Идризово.

Во ЈКП Гази Баба работат 45 сезонски работници, од кои 10 како косачи, а за обавување на работите располагаат со 12 тримери, 4 косилки, еден телескоп и едно тракторче за косење.

Општина Гази Баба апелира до заедниците на станари и до сопствениците на индивидуалните станбени згради да ја косат тревата и да ги уредуваат приодите кон станбените згради и индивидуалните куќи.

18.04.2016