Општина Гази Баба во соработка со Градот Скопје и Јавните претпријатија , вчера и денес,  организира акција за чистење на депониите и јавните површини на територија на општината.

Во текот на вчерашниот и денешниот ден се чистат депонии на 13 локации низ општината, каде има комунален отпад,  во Железара, Автокоманда, Ќерамидница, Ченто, Маџари и Хиподром.  Вкупно во текот на вчерашниот ден беа собрани повеќе од 400 тони отпад, а во текот на денешниот ден се очекува  да се собере повеќе од 300 тони отпад. Има поставено 8 пунктови на кои се чистат јавните површини и зеленило.

За оваа акција се ангажирани вкупно 260 лица доброволци преземени од Агенција за вработување преку Градот Скопје, како и дополнителни 150 лица од јавните претпријатија, општинската администрација, Природно- математичкиот факултет, Земјоделскиот и Хемискиот факултет, студенти од  домот„ Стив Наумов“  и граѓани од општината.

Општинско комуналното претпријатие  Гази Баба 2007 обезбеди целосна логистика за собирање и пренос  на отпадот кој денес  се  собира од јавните површини и зеленило.

Градоначалникот Георгиевски  изрази благодарност до сите кои се вклучија во акцијата за расчистување и разубавување на  општината  и најави дека овие акции ќе продолжат и во иднина.  

Тој упати апел  до граѓаните на општина Гази Баба да ја чуваат својата општина чиста, да се внимава каде се фрла отпадот и да не се уништува животната средина.

29.11.2017 

• Пред
• Следно