Градоначалникот Тони Трајковски беше на терен на локациите зафатени од пожар на територијата на општина Гази Баба.

Во н.м. Булачани вчера околу 12,00 ч. е забележан пожар и пријавен од жителите.

Околу 13,30 ч. противпожарната служба заедно со жителите пристапиле кон гаснење на пожарот кој ја зафатил тревата и ниско стеблестата шума.

На гаснење на пожарот се интервенирало се до 01,00 ч. при што бил локализиран, а биле оставени и дежурни луѓе за следење на состојбата.

Утрово против пожарните екипи, екипи од Дирекцијата за заштита и спасување и од ЈП Македонски шуми, заедно со жителите од околните населени места исто така го гасеа пожарот, кој се проширил кон Липково, Раштак и Булачани.

Во акцијата за гасење на пожарот се ангажирани и два авиони и околу 100 луѓе, Работата ја отежнува силниот ветар и непристапниот терен.

Засега е изгаснат пожарот кај Булачани, а се интервенира во Раштак и Липково.

03.04.2017

• Пред
• Следно