Нов дневен центар за лица со телесна и интелектуална попреченост во Железара

Градоначалникот Бобан Стефковски свечено го пушти во употреба новиот Дневен центар за лица со телесна и интелектуална попреченост во Железара.

Ова е уште еден капитален проект кој го реализиравме, а истиот претставува доказ дека локалната самоуправа во Гази Баба создава услови за подобар живот за сите категории на граѓани.

Вкупната инвестиција на овој проект изнесува 16.000.000 денари од кои 10.000.000 денари се средства обезбедени од буџетот на Oпштина Гази Баба, а 6.000.000 денари од Центарот за развој на Скопски плански регион.

 Продолжува развојот на општина Гази Баба. Продолжуваме со реализација на нови проекти кои ќе донесат подобри услови за живот на сите наши граѓани.