Слободен пристап до информации

Општина Гази Баба согласно член 8 од Законот за слободен пристап до информации од јавен карактер („Службен весник на РМ„ бр.13/06, 86/08 и 6/10) за службено лице за посредување со информации од јавен карактер ги определи: Ана Вељановска и Анита Илиевска Кузеска.

Граѓаните можат да добијат информација од јавен карактер што ја има изготвено или со која располага Општина Гази Баба, со симнување на подолу прикаченото Барање за пристап до информации од јавен карактер и пополнување на истото.

Во образецот се внесува:

1. До: институцијата која ја поседува информацијата.
   На пример, ако информацијата ја бараш од Општина Гази Баба, се наведува Општина Гази Баба.
2. Од: Вашето име и презиме, адреса и контакт-податоци.
3. Опис на информацијата која се бара: тука треба јасно и конкретно да напишете што барате. Не мора да објаснувате зошто ја барате информацијата. 
4. Начин на запознавање со информацијата: можете да изберете, на пример:
   • увид;
   • фотокопија;
   • електронски запис.
5. Начин на доставување: можете да побарате информацијата да ви биде доставена по е-mail, пошта или на друг наведен начин.