ОТВОРЕНИ УЧИЛИШНИТЕ СПОРТСКИ ЛИГИ

Денес официјално градоначалникот Бобан Стефковски ги отвори училишните спортски лиги кои се одржуваат во Општина Гази Баба во различни категории на спортови.

Организацијата на овие спортски активности е од особено значење за учениците бидејќи од најрана возраст имаат можност директно да спортуваат, рекреираат и другаруваат.

Во текот на целата година ќе се одржат најразлични спортски настани и со тоа ќе расне спортскиот дух помеѓу учениците, а притоа ќе се зајакнува и чувството за борба, а секако и победа.

Наша обврска е да инвестираме во подобрување на условите за образование и воспитание, а вооедно и да се грижиме за создавање на вистински вредности кои од учениците ќе изградат здрави и силни индивидуи.