48 ГОДИНИ ОПШТИНА ГАЗИ БАБА
Вечерва се одржа свечена академија по повод 3 Ноември, Денот на Oпштина Гази Баба.
За да може да се направи разлика и да се даде оценка на времето кое е сега зад нас, потребно е да се вратиме на почетокот во 2021 година кога го добив мандатот за градоначалник.
Во обраќањето на градоначалникот Бобан Стефковски на одбележувањето на денот на општината во 2021 година најави нов почеток за Гази Баба базиран на четири постулати:
– Да нема населено место во Општина Гази Баба без чиста вода за пиење;
– Да изградиме нови училишни спортски сали и нова училишна зграда за општинското основно училиште Крсте Мисирков,
– Да изградиме детски градинки за дечињата од Инџиково, Керамидница, Трубарево и Сингелиќ,
– Да изградиме спортски терени и детски катчиња во сите населени места.
Најдобриот начин да ја предвидите иднината е истата самите да ја креирате. Пред 3 години кога ги постави Стефковски овие четири постулати, одлучи на себе да го превземе товарот за конечно да се решат децениските проблеми и да отвориме едно ново поглавје за нашата Гази Баба.
Каква е состојбата денес, после 3 години?
Постулат број 1 – Да нема населено место во Општина Гази Баба без чиста вода за пиење.
– Со посветена работа успеавме да ги надминеме сите предизвици и жителите од Брњарци, Раштак и Булачани имаат функционални водоводни системи со што денес, нема населено место во Општина Гази Баба кое нема чиста вода за пиење.
Постулат број 2 – Да изградиме нови училишни спортски сали и нова училишна зграда за општинското основно училиште Крсте Мисирков
– Ја изградивме и пуштивме во употреба новата училишна сала во за учениците од Кирил и Методиј во Стајковци.
– Ја изградивме и за неколку денови од денес ќе ја пуштиме во употреба новата училишна сала за учениците од Наум Охридски во Булачани.
– До крајот на годината ќе започнеме со изградба на нова училишна сала за учениците од Црешево и Виниче.
– После децении поминати во очекување, ја започнавме со градба новата училишна зграда за учениците од Крсте Мисирков во Ченто.
Постулат број 3 – Да изградиме детски градинки за дечињата од Инџиково, Керамидница, Трубарево и Сингелиќ
– Започнавме со изградба на нова детска градинка во Трубарево.
– До крајот на годината ќе започнеме со изградба на нова детска градинка во Инџиково.
– Ќе ја изградиме и новопроектираната улица која е последниот предуслов за изградба на нова детска градинка помеѓу Маџари и Керамидница и следната година ќе започнеме со изградба на нова детска градинка и на тој простор.
– За градинката во Сингелиќ, интензивно се работи на подготовката на урбанистичко планската и проектна документација и силно верувам дека до средината на идната година и таа детска градинка ќе започне да се гради.
Постулат број 4 – Да изградиме спортски терени и детски катчиња во сите населени места
– Изградивме 27 спортски терени,
– 6 фитнес зони
– Спортски центар во Стајковци
– Спортски центар во Хиподром
– 50 детски забавни катчиња
На општина Гази Баба и требаат луѓе творци и иноватори.
Сега кога сме на прагот на петтата деценија од постоењето на Гази Баба треба јасно да се определиме за ставање крај на децениските проблеми кои ги имаат граѓаните и исчекорување на чекор напред кон современиот свет.
Граѓаните од нас очекуваат уште многу работа и проекти кои ќе донесат подобар и поквалитетен живот и во урбаниот и во руралниот дел на Општина Гази Баба.
Затоа сите ние сме должни да продолжиме по патот на реализација на проектите за да изградиме модерна, силна и просперитетна Гази Баба за сите граѓани!
На граѓаните на Oпштина Гази Баба им го честитаме 3ти Ноември, Денот на Општина Гази Баба!
