Свечена академија по повод 25 години од основањето на Фондацијата Конрад Аденауер во Македонија
Градоначалникот Бобан Стефковски присуствуваше на свечената академија по повод 25-годишнината од основањето на Фондацијата Конрад Аденауер во Македонија – значаен јубилеј на една организација која во изминатите децении даде огромен придонес во унапредување на демократијата, владеењето на правото и европските вредности во нашето општество.
Фондацијата Конрад Аденауер е долгорочен и доследен партнер на многу институции, општини и граѓански организации, со активна поддршка во процесите на демократизација, политичка едукација и младинско учество.
Градоначалникот Стефковски истакна дека споделуваме исти вредности и стремежи за изградба на транспарентни, инклузивни и одговорни локални заедници.
Честики за овој важен јубилеј, благодарност за нивната посветеност и партнерство и уште многу идни успешни години на работа во Македонија!
