Изградено ново детско катче во Трубарево

Во рамки на нашата постојана заложба за подобрување на условите за живот на сите граѓани, особено на најмладите, во населеното место Трубарево е изградено ново современо детско катче. Просторот е опремен со модерни и безбедни реквизити за детска игра, прилагодени на различни возрасни групи, со што се создава сигурна и забавна средина за децата од ова населено место.

 

Ова е само еден од многуте проекти што ги реализиравме со цел унапредување на квалитетот на живот во нашата општина. Во текот на мојот мандат, изградени и реконструирани се повеќе од 60 детски забавни катчиња, во урбани и рурални средини, со што покажуваме континуирана грижа за најмладите генерации.

 

Веруваме дека грижата за децата е инвестиција во иднината. Затоа, со несмалено темпо продолжуваме со изградба на нови детски катчиња и во другите населени места на општината, обезбедувајќи еднакви услови за раст и развој на сите деца.

 

Нашата посветеност кон сите генерации останува приоритет. Заедно ја градиме општината како подобро место за живеење – денес и за иднината.