Денот на независноста – 4 Јули
На покана на Амбасадорката на САД во Македонија, Н.Е. Ангела П. Агелер, вечерва градоначалникот Бобан Стефковски присуствува на приемот организиран во Амбасадата на Соединетите Американски Држави по повод Денот на независноста – 4 Јули.
Овој свечен настан не е само дипломатски протокол, туку и потврда за стратешкото партнерство меѓу Македонија и САД.
САД се еден од најзначајните и најдолгорочни поддржувачи на нашата држава – од независноста, преку поддршката за владеење на правото, членството во НАТО, па сè до економскиот развој и младинските иницијативи.
Соработката со САД претставува столб на стабилност, безбедност и напредок.
Заедно споделуваме вредности – слобода, демократија, човекови права и еднакви можности за сите.
Честит 4 Јули – Денот на Америка.
Да продолжиме со соработка, доверба и заедничка иднина.
