8000 ДЕНАРИ ЗА СЕКОЕ НОВОРОДЕНО ДЕТЕ!!
Од 01.01.2026 година, секое семејство во Oпштина Гази Баба кое ќе има новородено дете ќе добие финансиска поддршка од 8000 денари.
Раѓањето на дете е најголемата радост, најголемата надеж и најсилната порака за иднината. Токму затоа, како локална самоуправа имаме обврска да бидеме поддршка на секое семејство во овој најважен животен момент.
Во 2022 година, од доаѓањето на Бобан Стефковски за градоначалник на Општина Гази Баба, за прв пат ја воведовме мерката за финансиска помош од 5000 денари за секое новороденче. Тоа беше почеток на една политика која ја става грижата за семејството и децата во самиот фокус.
Со внимателни анализи, одговорно и домаќинско управување со буџетските средства, успеавме да направиме уште еден чекор напред и ја зголемивме помошта на 8000 денари.
Ова не е само бројка. Ова е порака. Порака дека општината стои зад младите брачни парови, зад мајките и татковците, зад секое ново дете кое се раѓа во Гази Баба.
Со ваквите мерки директно придонесуваме за зголемување на наталитетот, охрабрувајќи ги семејствата да се одлучат на најубавиот чекор – да донесат нов живот на светот. Повеќе дечиња значи повеќе смеа во градинките, повеќе ученици во училиштата и посилна, пожива општина.
Инвестицијата во децата е инвестиција во иднината. Затоа продолжуваме со политики кои носат реална и директна помош, затоа што знаеме дека секој денар значи поддршка, сигурност и олеснување за семејниот буџет.
Општина Гази Баба не е само институција. Таа е партнер, сојузник и поддршка на своите граѓани, од првиот детски плач, па сè до остварувањето на најголемите соништа. Ние сме тука, заедно со вас, за иднина полна со живот, надеж и нови почетоци.