СТАЈКОВЦИ ВЕЧЕРВА БЛЕСНА ВО ДУХОТ НА МАКЕДОНИЈА! ГАЗИ БАБА ЖИВЕЕ!

Во чест на светите браќа Кирил и Методиј – нашите просветители, чувари на словенската писменост и духовни темели на македонскиот народ, вечерва Стајковци уште еднаш покажа што значи љубов кон верата, традицијата и татковината.

 

Под светлината на празничната атмосфера, со песна, молитва и искрени емоции, заедно со илјадници граѓани присуствувавме на величествената манифестација посветена на патроните на ова прекрасно населено место.

 

Ова не беше само настан. Ова беше вечер исполнета со душа, со народна топлина и со чувство на припадност. Вечер кога сите заедно покажавме дека македонскиот дух живее силно во срцата на народот.

 

Со своите настапи, Дамјан Стојаноски, Габриела Новевска, Миле Кузмановски и ансамблот „Седенка“ ја направија оваа вечер незаборавна, испраќајќи силна порака за љубовта кон македонската песна, традиција и корени.

 

Благодарност до сите граѓани кои со своето присуство ја направија оваа манифестација достоинствена и величествена. Вашата енергија, вашата насмевка и вашата љубов кон родното место се најголемата сила на Гази Баба.

 

Кога сме сплотени, кога ги чуваме нашите вредности и кога со гордост ја славиме нашата историја – тогаш Македонија е најсилна!