Општина Гази Баба денес беше домаќин на седмата регионална работилница за Скопскиот плански регион, посветена на процесот на изработка на Националната стратегија за развој на туризмот 2027–2032 година
На едно место ги обединивме професорите од Факултетот за туризам и бизнис логистика од Штип, претставници на општините од Скопскиот плански регион и други релевантни чинители.
Целта на работилницата беше заеднички да ги идентификуваме локалните туристички потенцијали, предизвици и приоритети, кои ќе придонесат кон креирање сеопфатна, реална и применлива Национална стратегија.
Скопскиот плански регион располага со значаен туристички потенцијал, а наша заедничка задача е тој потенцијал да го претвориме во конкретни можности за локален економски развој, нови инвестиции, вработувања и поддршка на локалниот бизнис.
Особено значајно беше што имавме можност отворено да разговараме за реалните состојби и предизвици на терен, но и за конкретни решенија и идеи за идниот развој на туризмот.
Националната стратегија треба да произлезе од реалните потреби на општините и регионите. Само преку заедничко делување на институциите, академската заедница, локалните самоуправи и туристичкиот сектор можеме да создадеме политики што ќе дадат конкретни резултати.
Веруваме дека со ваков пристап можеме да создадеме силна основа за одржлив и конкурентен туристички развој во периодот 2027–2032 година.
Благодариме на сите учесници за активното учество, конструктивните предлози и придонесот во овој значаен процес.
