БЛАГОДАРИМЕ НАРОДЕ! ГО НАПРАВИВМЕ НАЈГОЛЕМИОТ РОДЕНДЕН ВО ИСТОРИЈАТА НА МАКЕДОНИЈА!
Вчеравечер Автокоманда беше срцето на најголемата прослава досега по повод 50 години Општина Гази Баба!
Повеќе од 20.000 граѓани беа дел од оваа незаборавна вечер исполнета со музика, насмевки, позитивна енергија и забава за сите генерации.
Плоштадот беше преполн, атмосферата неверојатна, а заедничката енергија покажа дека кога сме заедно — создаваме моменти кои се паметат!
Ова не беше само музички настан. Ова беше голем заеднички роденден — прослава на луѓето, на заедништвото и на нашата Гази Баба!
Благодарност до сите општествено одговорни компании кои помогнаа во реализацијата на програмата и придонесоа оваа вечер да биде вистински спектакл.
Голема благодарност и до уметниците Мелани Тарчуловска, Огнен Здравковски, Два Бона, Каролина Гочева и Пеѓа Јовановиќ за одличните настапи и незаборавната атмосфера!
50 години Гази Баба — 50 години приказни, традиција и заедништво!
