ПРЕКУ ДЕТСКИТЕ БОИ ЈА РАСКАЖУВАМЕ ПРИКАЗНАТА ЗА ГАЗИ БАБА!
На покана на детската градинка „Детска радост“ од Автокоманда, градоначалникот Бобан Стефковски присуствуваше на промоцијата на боенката „Приказна за општина Гази Баба“, во рамки на одбележувањето на јубилејот – 50 години Општина Гази Баба.
Преку игра, бои и креативност, најмладите добиваат можност да ја запознаат својата општина и да ја развиваат љубовта кон местото во кое растат. Секоја обоена страница е мал чекор кон откривање на нашата заедничка приказна и градење чувство на припадност.
Искрени честитки до градинката, раководството и вработената Билјана Лотевска за вложениот труд и прекрасната иницијатива што му дава посебна вредност на нашиот јубилеј.
Педесет години приказни, спомени и развој, а најубавите страници допрва ќе ги испишуваат нашите деца!
