Директна помош од Гази Баба за Република Словенија која е погодена од големи поплави

Градоначалникот Бобан Стефковски оствари средба со Татјана Ковачич, овластен министер во амбасадата на Република Словенија во Република Македонија.

На средбата тој се информираше за состојбата во која се наоѓаат најпогодените места во Словенија, а вооедно истакна дека Општина Гази Баба е подготвена да донира финансиска помош за справување со последиците од поплавите, како и да испрати два тимови на луѓе, подготвени да помогнат на засегнатите граѓани.

Согласно разговорот од средбата, ја информираме јавноста и граѓаните дека ќе биде поднесена иницијатива до Советот на Општина Гази Баба за доделување на финансиска помош за Република Словенија, а во консултација со надлежните институции ќе ја разгледаме можноста за испраќање на два тимови кои ќе помогнат во справувањето со последиците.

Хуманоста и солидарноста се водилка во нашата работа. Република Словенија ја покажа својата хуманост и солидарност со директна помош во 2016та година, кога нашата Гази Баба беше погодена од поплава која нанесе сериозна материјална штета, а за жал однесе и човечки животи.