Билтен на неделни работни активности на ЈКП ,,Гази Баба 2007“
Во неделата која измина беа превземени повеќе работни активности од страна на екипите на ЈКП Гази Баба 2007. Тие започнаа со обележување на пешачките премини во населба Автокоманда, а активностите за обновување на пешачките премини ќе продолжат на целата територија на општината, каде што е законски дозволено и утврдено да бидат обележани и видливи.
Изминатите денови, покрај останатите работни обврски на јавното комунално претпријатие, беше извршено и редовно чистење на шахтите во вакумската канализација во н.м Јурумлери со цел да има непречено одлевање на атмосферските води.
Исто така, одржувањето и уредувањето на зелените површини на територијата на Општина Гази Баба продолжува во континуитет и забрзано темпо на работа низ сите населени места во чии рамки се косат и средуваат и училишните дворовите и спортските игралишта.
Минатата недела ЈКП Гази Баба работеа во следните населени места: Железара, Автокоманда, Триангла, Амбуланта Маџари, Хиподром, Идризово, н. Гоце Делчев, Трубарево, Колонија.
Екипите тековно и редовно чистат смет од дивите депонии и вршат чистење на улиците на повеќе локации на територијата на општината.
Истовремено се направи санација во игралиштето на ООУ,, Стив Наумов“ а беа поставени и модерни и урбани реквизити во пазарчето во н. Триангла, во н.м. Страчинци и кај Финскиот Парк во н. Ченто.