Нов зелен парк ќе добијат жителите од населбата Ченто
Утрово заедно со градоначалничката на Град Скопје Данела Арсовска и директорот на ЈП Паркови и Зеленило Ангеле Сотировски, градоначалникот Бобан Стефковски означи почеток на градба на новиот зелен парк во населба Ченто.
Паркот ќе содржи нови зелени површини со поставен систем за наводнување како и нови дрвја и вегетација, а се предвидува и флористичко збогатување на просторот.
Изградбата на паркот се врши на улица Јужноморавски бригади на просторот позади спортската сала. Овој простор често во минатото беше место за диво депонирање на отпад, а денес на негово место се гради голем зелен парк.
Изминатиот период извршивме реконструкција на паркот спроти средното училиште Панче Арсовски, градиме мултифункционален парк во Триангла, се подигаат нови зелени површини низ населените места на општината, засадени се над 4000 нови садници и ќе продолжиме да работиме интензивно во периодот кој следи.
{gallery}foto/2022/06/park_krste/gallery{/gallery}
29.06.2022