Cредба со Дејвид Сип, виш резидентен директор на проектот „Зајакнување на отпорност на корупција“, кој се имплементира од Националниот демократски институт

 

Овој проект има за цел да ја зајакне отпорноста на институциите кон корупција и преку системски пристап да придонесе кон поголема транспарентност, отчетност и интегритет во работењето на општините. Преку него делуваме превентивно во борбата против корупцијата и градиме посилни институции кои работат во интерес на граѓаните.

 

Преку низа активности се работи на зајакнување на општинските системи за интегритет, со што се минимизираат ризиците од корупција во неколку клучни области од работењето на локалната самоуправа, како што се:

• јавните набавки;

• урбанистичкото планирање;

• инспекциските постапки;

• финансиското работење.

 

На средбата разговаравме за досегашната соработка, за резултатите кои се постигнати во изминатиот период, како и за плановите и приоритетите во следната фаза од проектот. Посебен акцент беше ставен на активностите и чекорите кои треба да бидат преземени од страна на општината со цел дополнително унапредување на транспарентноста и интегритетот во работењето.

 

Во текот на изминатата година Општина Гази Баба, со поддршка и експертска помош од НДИ, подготви и усвои голем број правилници, процедури и интерни постапки кои се однесуваат на подобрување на организацијата на работењето, управувањето со вработените, како и унапредување на комуникацијата и услугите кон жителите на општината.

 

Благодарение на овие активности и посветената работа кон поголема транспарентност и отчетност, Општина Гази Баба беше препознаена како најтранспарентна општина за 2025 година, што претставува потврда дека со системска работа и соработка со релевантни партнери може да се постигнат значајни резултати.

 

Продолжуваме посветено да работиме на унапредување на доброто управување, транспарентноста и довербата на граѓаните во институциите.