Денеска градоначалникот Бобан Стефковски присуствуваше на конференцијата организирана од Министерството за јавна администрација по повод Денот на јавните службеници и јавните служби
Овој значаен настан се одржа во духот на признавање и афирмација на трудот и посветеноста на сите оние кои се дел од јавниот сектор и кои секојдневно работат во служба на граѓаните.
Конференцијата беше збогатена со обраќања од високи претставници на државата и меѓународната заедница:
-премиерот г. Hristijan Mickoski,
-министерот за јавна администрација г. Горан Минчев,
–заменик претседателот на Владата г. Арбен Фетаи,
–Н.Е. г. Даниел Фиелер, Заменик шеф на мисијата на Амбасадата на Обединетото Кралство на Велика Британија и Северна Ирска.
Нивните зборови ја нагласија важноста на реформите, професионализмот и интегритетот во јавната администрација, како и заложбите за транспарентност, ефикасност и инклузивност.
Јавната администрација претставува столб на секоја демократска и функционална држава.
Таа е лицето на институциите и првата точка на контакт помеѓу државата и граѓаните.
Улогата на јавните службеници е клучна – тие се двигатели на институционалниот развој, гаранти на законитоста и носители на услуги кои директно го подобруваат квалитетот на животот на сите граѓани.
Како градоначалник на општина Гази Баба, Бобан Стефковски секојдневно сведочи на посветеноста, трудот и пожртвуваноста на јавните службеници.
Токму затоа, по повод Денот на јавните службеници и јавните служби, упатува честитка до сите службеници во нашата општина, како и на ниво на државата.
Ви благодариме за вашата работа, професионалност и за тоа што сте клучен дел од системот кој се грижи за доброто на сите граѓани.
Нека овој ден биде поттик за уште поголема мотивација и заложба за унапредување на јавните услуги и заедничко градење на подобро општество за сите.
Среќен Ден на јавните службеници и јавните служби!
