Во тек е изработката на Социјалниот план на општина Гази Баба
Дел од членовите на Социјалниот совет на општина Гази Баба денес одржаa состанок со претставници од Ептиса, Билјана Дуковска и Сашо Јованов во рамки на Проектот финансиран од ЕУ „Поддршка на модернизација и деинституционализација на социјалните услуги“ поддржан од МТСП.
На состанокот беа прецизирани насоки за дооформување на Социјалниот план на општина Гази Баба, предизвиците и недостатоци со кои се соочивме при изработувањето, а на крајот беа донесени и конструктивни заклучоци во насока на подобрување.
Претставниците од Ептиса беа и на средба кај градоначалникот Бобан Стефковски кои му се заблагодарија за поддршката досега, која пак придонесува за поуспешно спроведување на овој проект од областа на социјалната заштита, како и на заложбите за долгорочно имплементирање на истиот. Бенефитите од целосното спроведување се во насока на подобрување на социјалните услуги и реалните потреби на жителите на општината.
22.12.2022