Градоначалникот Бобан Стефковски посети 100 дечиња на Клиниката за детски болести

Денес 100 дечиња кои се хоспитализирани на лекување во Клиниката за детски болести во Скопје ги посети градоначалникот Бобан Стефковски и им додели новогодишни пакетчиња заедно со Дедо Мраз и маскотите од омилените цртани филмови.

Новогодишните празници носат посебна магија која на сите нас ни дава посебна среќа, радост и задоволство. Но таа радост е уште поголема кога ќе видите насмеани лица на дечињата кои се наоѓаат на лекување.

Празниците се одлична можност уште еднаш да ја покажеме нашата општествена одговорност и хуманост кон сите оние на кои им е потребна помош, поддршка и внимание.