Градоначалникот Стефковски беше дел од портокаловата велосипедска тура

Попладнево Скопје беше обоено во портокалова боја по повод Денот на Кралството Холандија.

На покана на амбасадорката на Кралството Холандија, Н.Е. Узлем Џанел заедно со министерот за спорт Борко Ристовски и градоначалникот на Општина Аеродром Дејан Митески, градоначалникот Бобан Стефковски беше дел од портокаловата велосипедска тура што се возеше околу „Ист Гејт Мол“.

Денес се одбележуваат два значајни празници за Холандија, а тоа се Денот на Кралот на Кралството Холандија и 750 години од основањето на градот Амстердам.

Честитки до холандската амбасада и до сите Холанѓани по повод овие два значајни празници.

Благодарност до здружението „Гоу Грин“ кое на свој уникатен начин го организираше и овој настан.