ИЛИНДЕНСКАТА КОЊАНИЦА ТРГНА ОД ГОРНО ЛИСИЧЕ КОН СЛАВНОТО КРУШЕВО

Градоначалникот Бобан Стефковски беше присутен на настанот по повод испраќање на Илинденската коњаница од Горно Лисиче, која традиционално тргнува кон славното Крушево — симболот на борбата за слобода и достоинство на македонскиот народ.

 

Овој настан, кој претставува жив спомен на Илинденското востание од 1903 година, не е само чествување, туку вистински доказ за нераскинливата врска помеѓу народот и неговата историја. Востанието претставува темел на македонската државност, симбол на борбата за слобода, самостојност и правото на свој глас. Хероите на Илинден, кои го кренаа гласот против тогашното угнетување, остануваат вечен патоказ за храброст, верба и обединетост.

 

Генерален покровител на настанот е претседателот на ВМРО-ДПМНЕ Христијан Мицкоски, кој со поддршката ја потврдува важноста на традицијата и сеќавањето на националните вредности.

 

Градоначалникот Стефковски е горд на оваа иницијатива и затоа Општина Гази Баба е покровител на овој настан, преку кој, заеднички со граѓаните, продолжуваме со светата наша должност — а тоа е да го чуваме духот на Илинден жив.

 

Илинден не е само минато. Тој е наша обврска и патоказ за иднината. Им посакуваме среќен и безбеден пат на коњаниците! Да чекорат достоинствено, со срце полни со љубов кон Македонија, и да ја понесат со себе славата на предците до Крушевската Република.

 

Да живее Илинден! Да живее Македонија!