Нека е со среќа нова детска градинка во Инџиково!

Градоначалникот Бобан Стефковски заедно со премиерот Христијан Мицкоски, министрите Златко Перински, Фатмир Лимани, замениците министри Ѓоко Велковски и Ерџан Селими, пратениците Жаклина Пешевска и Зоран Коцевски и голем број граѓани направија увид на градежните работи за изградба на новата детска градинка во Инџиково.

 

Уште едно ветување дадено пред граѓаните, прераснува во дело!

 

Вкупната инвестиција на проектот изнесува 47.500.000,00 денари, средства обезбедени од Јавниот повик на Владата за реализација на проекти.

 

Со реализација на овој проект уште еднаш на дело покажуваме дека ги препознаваме приоритетите на граѓаните.

 

За само неколку месеци градиме две нови детски градинки, едно училиште, дом на културата, училишни спортски сали, канализациони системи, асфалтираме нови улици, едноставно Гази Баба прерасна во големо градилиште.

 

Благодарност до претседателот на Владата Христијан Мицкоски за поддршката која ја дава на општините во цела Македонија.

 

Најавуваме градежна офанзива која ќе донесе реализација на 40 нови проекти насекаде низ Општина Гази Баба.

 

Продолжуваме да работиме одговорно, чесно и посветено бидејќи граѓаните го заслужуваат тоа!