Продолжува поддршката на проектот за Инклузија на деца Роми во Детските градинки

Утрово во Клубот на Пратеници градоначалникот Бобан Стефковски го потпиша договорот за поддршка на проектот “Инклузија на деца Роми во јавните општински установи – детски градинки” со кој како локална самоуправа обезбедуваме целосно бесплатна инклузија и престој на дечињата Роми во предучилишното образование.

Општина Гази Баба инклузијата на дечињата Роми ја спроведува во клоновите на ЈУДГ 25 Мај, а родителите на тие дечиња се ослободени од плаќање на надоместок за престој на нивните деца во детската градинка.

Секое дете е важно и токму затоа Општина Гази Баба се приклучи на овој проект со цел инклузија тие дечиња во воспитниот процес уште од најмали нозе, а потоа истото да продолжи и низ образовниот процес.

Имаме обврска како единици на локалната самоуправа да креираме услови со кои дечињата од нашите општини ќе прераснат во силни индивидуи.