Се одржа редовна проверка за стандардот ISO 9001:2015 во Гази Баба
Во Општина Гази Баба минатите неколку дена беше реализирана редовна проверка за стандардот ISO 9001:2015 . Состанок со претставниците од Еуромак контрол одржа Секретарот на Општина Гази Баба, Невенка Стаменковска Стојковски и претставници на раководството за квалитет од Општина Гази Баба, Демирали Ислами и Сања Димовска.
Целта на интерната проверка беше да се воспостават цели за квалитет на општината која има обврска да ги воспостави истите кои се однесуваат за процесите, надлежностите, ресурсите, персоналот, обемот на активности за реализација, задоволството на корисниците, реализацијата на проектите, управувањето со документираните информации на Системот за менаџмент со квалитет.
Управувањето и регулирањето е опишано во процедура за управување со документирани информации на системот за менаџмент со квалитет и Упатството за изработка на документирани информации од системот за менаџмент со квалитет за следење на законски прописи и други акти.