Средба со Африм Гаши, претседателот на Собранието на Република Македонија!
Денеска градоначалникот Бобан Стефковски оствари пријателска средба со претседателот на Собранието на Република Македонија, Африм Гаши кој воедно е и жител на Општина Гази Баба.
На средбата се дискутираше за клучните предизвици и приоритети на локалната заедница, како и за можностите за продлабочување на соработката помеѓу централната и локалната власт. Се разгледуваа конкретни инфраструктурни проекти, образовни иницијативи и мерки за подобрување на јавните услуги во општината.
Стефковски истакна дека поддршката од институциите на државно ниво е од исклучително значење за реализација на развојните планови на општината, додавајќи дека секоја иницијатива која оди во прилог на граѓаните заслужува заедничка заложба.
Претседателот на Собранието, Африм Гаши, потенцираше дека како жител на Гази Баба чувствува посебна одговорност да даде придонес кон подобрување на условите за живот во општината. Тој ја нагласи важноста на поддршката на локалните иницијативи од страна на законодавната власт и изрази подготвеност за понатамошна соработка со општината.
Средбата помина во дух на заемно разбирање и конструктивен дијалог, со цел унапредување на севкупниот развој на Општина Гази Баба.