Средба со младите таленти од ООУ „Дане Крапчев“

Денес имав особена чест и задоволство да се сретнам со учениците од ООУ „Дане Крапчев“ кои членуваат во мандолинскиот оркестар на училиштето.

 

Овие исклучителни млади музичари неодамна го освоија првото место на државниот натпревар, при што добија максимални 100 бодови – резултат што говори за нивниот талент, посветеност и тимска работа.

 

Средбата беше исполнета со позитивна енергија, насмевки и гордост. Учениците со задоволство зборуваа за нивната љубов кон музиката, за часовите на вежбање и за поддршката што ја добиваат од своите наставници, семејства и пријатели. Особено сакам да го истакнам трудот и ангажманот на нивниот ментор, кој со својата стручност и посветеност придонел за овој исклучителен успех.

 

Овој успех не е само признание за нивната музичка умешност, туку и инспирација за сите ученици во нашата општина. Младите од „Дане Крапчев“ ни покажаа дека со труд, љубов и тимска соработка се постигнуваат врвни резултати.

 

Им честитам од срце на сите членови на оркестарот и им посакувам уште многу успеси во иднина. Тие се вистинска гордост за своето училиште, за нивните наставници, родителите и за нашата општина.