УСВОЕН БУЏЕТОТ ЗА 2026 ГОДИНА!

 

Почитувани граѓани,

Со особено задоволство Ве информираме дека на денешната седница, Советот на Општина Гази Баба го донесе буџетот за 2026 година.

Ова е развоен и граѓански буџет. Тој претставува сублимат од реалните потреби на граѓаните. Во него се предвидени голем број на капитални инвестиции, проекти и мерки кои значат решенија на проблемите со кои се соочуваат граѓаните.

 

Во 2026 година се определени средства за:

– Изградба и санација на паркинг простори, тротоари, плоштади и пешачки патеки;

– Ревитализација и рехабилитација на локални улици;

– Реконструкција на пристапен пат кон гробиштата Камник;

– Реконструкција на ул. Петре Филиповски Гарката во Триангла;

– Реконструкција на ул. 519 во Керамидница;

– Реконструкција на ул. Жан Жорес во Маџари;

– Изградба на последната фаза од фекалната канализација во населено место Јурумлери;

– Изградба на фекална канализација во Идризово;

– Доизградба на фекалната канализација во Гоце Делчев и Чукур Маало во Трубарево;

– Изградба на атмосферска канализација на ул. Гемиџиска и ул. Филип Филиповиќ во Железара;

– Реконструкција на отворениот канал за атмосферски води Антон Велковски во Стајковци;

– Доизградба на училишната зграда на ООУ Крсте Мисирков во Ченто;

– Доизградба на новата детска градинка во Инџиково;

– Доизградба на новата спортска сала во Црешево;

– Доградба на ООУ Крум Тошев во Трубарево;

– Изградба на нова спортска сала во ООУ Григор Прличев во Железара;

– Доизградба на нова детска градинка помеѓу Маџари и Керамидница;

– Изградба на нова детска градинка во Сингелиќ;

– Изградба на нови детски забавни катчиња;

– Завршување на изградба на Домот на културата 11 Октомври;

– Изградба на спортски терени на тартан подлога;

– Изградба на спортски терени на вештачка трева.

 

Дополнително определуваме средства за:

– субвенции на младите за полагање на возачки испит во висина од 10.000 денари;

– субвенции за граѓаните за набавка на пелети;

– награда за наставник на годината;

– бесплатни училишни униформи за сите ученици;

– прочистувачи на воздух во училиштата и градинките;

– инвертер клима уред во секоја училница во училиштата;

– ја зголемуваме паричната помош за новороденче од 5000 на 8000 денари;

– покачување на платата на сезонските работници во ЈКП Гази Баба за 2000 денари;

– набавка на камион преса за ЈКП Гази Баба;

– поставување на нова урбана опрема во сите населени места;

– изградба на втора филтер станица во Булачани;

– субвенции за реконструкција и изградба на нови лифтови во станбените единици.

 

И многу други проекти.

 

Ова е буџет што носи развој.

 

Не очекува година исполнета со многу работа и нови проекти кои ќе донесат подобар и поквалитетен живот за граѓаните на Општина Гази Баба.