УВИД НА ГРАДЕЖНИТЕ РАБОТИ НА УЛ. 30 ВО ЧУКУР МААЛО, ТРУБАРЕВО!

Денес извршивме увид во градежните работи за реконструкција на улица 30 во Чукур Маало, Трубарево, каде што се одвива една од покрупните инфраструктурни интервенции во овој дел од општината.

 

Проектот опфаќа темелна реконструкција на коловозот на должина од 611 метри, со што значително ќе се подобри безбедноста и протокот на сообраќајот.

Паралелно со овие зафати се градат и нови пешачки патеки со павер елементи од двете страни на улицата, создавајќи уреден и функционален простор за движење на сите жители.

 

Инвестицијата изнесува 9.268.621 денари, вложени во современо и квалитетно решение кое ќе ја подобри секојдневната комуникација во овој дел од Трубарево.

 

Жителите ја очекуваа оваа реконструкција долги години — проект што долго се споменуваше, а сега конечно станува реалност.

 

Продолжуваме да работиме одговорно, чесно и посветено, реализирајќи инфраструктурни подобрувања низ сите населени места во Гази Баба.