Увид во градежните активности во Црешево – после 60 години, граѓаните добиваат асфалт!
Денес градоначалникот Бобан Стефковски направи увид во градежните работи за асфалтирањето на една од заборавените улици во населеното место Црешево. По шест децении чекање, кал и прашина, конечно започнува реализацијата на проект кој значи нов почеток за овие граѓани.
Граѓаните со задоволство ги следеа градежните работи. Младиот Сашо, со кого тој имаше можност да разговара, рече:
„После толку години, конечно некој не’ слуша. Ми се враќа надежта во институциите и во политичарите. Вашето ветување стана реалност.“
Овие зборови се најголемата потврда за тоа дека исполнетото ветување тежи повеќе од илјада зборови. За нас во Општина Гази Баба, ова не е само инфраструктурен проект – ова е симбол на одговорност, посветеност и вистинска грижа за граѓаните.
Квалитетната патна инфраструктура значи повеќе од лесно движење – таа значи поврзување, развој, безбедност и достоинствен живот.
Ветувањата дадени пред граѓаните мора да се исполнуваат, бидејќи токму тоа гради доверба и стабилност.
Продолжуваме со силно темпо – работиме посветено, транспарентно и во интерес на сите наши населени места. Црешево заслужи внимание и конечно го добива.
Заедно градиме поубава и поврзана Гази Баба!
