ЗАПОЧНАВМЕ СО ЗЕЛЕНИТЕ ПРОМЕНИ ВО ГАЗИ БАБА!
Денес со огромна чест и радост бевме дел од нешто навистина посебно – во Стајковци го стартувавме првиот пилот проект во државата за селекција на ПЕТ амбалажа и лименки во домаќинствата!
Заедно со Центарот за климатски промени, ја отпочнуваме оваа важна еколошка иницијатива како дел од поширокиот проект „Регионално партнерство за подобро спроведување на Зелена Агенда за Западен Балкан“.
Денес им ги поделивме кантите за селекција на граѓаните од Стајковци и им ја објаснивме целата постапка. Навистина ми е мило што видов колку се подготвени, заинтересирани и посветени да дадат свој придонес. Оваа поддршка од граѓаните ни дава сила да продолжиме уште посилно!
Секое домаќинство што е дел од пилотот ќе има посебни канти за пластика и лименки, а собраниот отпад ќе се подига на секои две недели – или по договор, во согласност со реалната динамика.
Што значи ова?
– Намалување на количеството отпад што оди на депонии
– Подобрување на квалитетот на воздухот, почвата и водите
– Зголемено рециклирање
– Поголема еколошка свест во заедницата
– Исполнување на европските и националните стандарди за одржливо управување со отпад
Сето ова е само првиот чекор. Нашата визија е Гази Баба да биде пример за тоа како една општина може со одговорност и иновација да ги подобрува условите за живот – денес, но и за генерациите што доаѓаат.
Ќе продолжиме активно да ја шириме оваа иницијатива и во другите населени места од општината – затоа Ве повикувамe сите: бидете дел од промената!
Заедно можеме многу! Гази Баба покажува како се гради зелена иднина.
