Здружението на пензионери на Гази Баба прослави 53 години од своето постоење!
Со огромна чест и почит денес градоначалникот Бобан Стефковски присуствуваше на одбележувањето на овој значаен јубилеј, кој претставува повеќе од бројка. Претставува историја, заедништво и традиција што ја негуваат генерации наши сограѓани.
Нашите пензионери се вистински столб на општината. Тие со децении граделе, создавале и вложувале во заедницата што ја имаме денес. Нивната мудрост, искуство и посветеност продолжуваат да бидат водилка за сите нас.
Општина Гази Баба останува цврсто посветена на поддршка на пензионерите, подобрување на условите за нивно секојдневие и поттикнување на активности што го унапредуваат нивниот квалитет на живот.
Горди сме на Здружението кое цели 53 години обединува, помага, организира и мотивира. Нивната енергија и заедништво се пример за сите генерации.
Им посакуваме многу здравје, радост и уште многу години успешно функционирање, богати со дружење, активности и меѓусебна поддршка.
