ЈАВЕН ПОВИК ЗА ФИНАНСИСКА ПОДДРШКА ЗА ОРГАНИЗИРАЊЕ НА ВЕЛО РОДЕО

Врз основа на член 50 став (1) точка 4 од Законот за локалната самоуправа (”Службен весник на РМ” бр.5/02 и ”Службен весник на РСМ” бр.202/24), и точка 19 алинеја 6 од Програмата за заштита на животната средина и природата на Општина Гази Баба за 2025 година (”Службен гласник на Општина Гази Баба” бр.24/24), Градоначалникот на Општина Гази Баба објавува:

ЈАВЕН ПОВИК

ЗА ФИНАНСИСКА ПОДДРШКА ЗА ОРГАНИЗИРАЊЕ НА ВЕЛО РОДЕО

1.Краток опис

Заштитата на животната средина е една од најважните обврски на современото општество. Соочени со последиците од климатските промени, загадувањето и прекумерната експлоатација на природните ресурси, потребно е да преземеме одговорни чекори кон одржлив развој. Еден од најефикасните и најдостапни начини за намалување на негативното влијание врз животната средина е унапредувањето на велосипедизмот како еколошки вид на транспорт. Возењето велосипед не само што ја намалува емисијата на штетни гасови, туку и придонесува за подобро здравје, почиста животна средина и поквалитетен урбан живот. Поддршката на велосипедската инфраструктура и поттикнувањето на граѓаните да користат велосипеди претставува инвестиција во иднината на планетата и добробитта на сите нејзини жители.

За таа цел Општина Гази Баба го распишува овој повик со кој треба да се организира настан кој ќе има за цел има за цел да поттикне активна и одржлива мобилност кај најмладите жители на општината, преку практични, едукативни и забавни активности поврзани со возење на велосипед, безбедност во сообраќајот,  еколошки навики и креативно учење. Настанот е наменет за деца на возраст од 3 до 10 години и нивните родители од цела територија на Општина Гази Баба. Вклучувањето на семејствата ќе овозможи создавање на силна заедничка атмосфера и промовирање на здрав и активен стил на живот.

Настанот треба да ги опфати следните активности :

• Да организира велосипедска патеки на кои децата ќе можат да учат како безбедно да возат, да ја подобрат моторика и балансот, да избегнуваат пречки и да ги совладаат основни велосипедски маневри;
• Трки за деца наменети за мотивација и забава;
• Научни еко-работилници: со експерименти за екологија и природни процеси, каде децата ќе учат преку практична настава;
• Игри за развивање на моторика, имагинација и критичко размислување;
• Извидничка зона: каде децата ќе учат основи на кампување, ориентација, поставување шатор и препознавање дрвја;
• Сервис за поправка на детските (и велосиепдите на родителите;
• Едукативни игри за деца за возраст до 10 години.

2. Вкупно предвидени средства

За финансирање на понудените програмски активности, согласно овој повик, ќе се користат средствата на Буџетот на Општина Гази Баба за 2025 година од потпрограмата Р1 –животна средина,  конто 464990  други трансфери во вкупен износ од  150.000,00 денари.

Општина Гази Баба со претставникот на најдобрата понуда ќе склучи Договор за организација на настанот Вело Родео.

Средствата ќе бидат исплатени по доставување извештајот за реализација на настанот.

3. Временска рамка

Настанот треба да се  реализира на 5 Јуни 2025 година на плоштадот Фили II  во Општина Гази Баба.

Рокот за доставување на Извештајот за реализација на настанот е 15  Јуни 2025 година.                                                                                

4. Основни организациски критериуми

Основни организациски критериуми кои треба да ги исполнуваат здруженијата на граѓани и фондации кои учествуваат на овој повик се:

• Да се регистрирани според Законот за здруженија на граѓани и фондации со седиште во Скопје;
• Да ги подмириле своите даночни обврски;
• Да се занимаваат со активности и проекти од јавен интерес;
• Да не добиле средства или поднеле пријава од/до друг орган на државната управа или други извори за иста намена и активности за кои поднесуваат пријава, а што би значело двојно финансирање на истите активности од различни извори.

5. Проценка на квалитетот на проектите

Оценувањето на пристигнатите предлози за проекти, ќе го врши комисијата формирана од Градоначалникот на Општина Гази Баба , врз основа на следните критериуми:

6. Задолжителна документација за аплицирање

Здруженијата и фондациите кои учествуваат на огласот треба да достават:

Покрај пријавата која што треба да биде пополнета (дигитално со печатни букви на кирилично писмо), потпишана од надлежното лице и заверена со печат на здружението, фондацијата, трговското друштво, установата или маркетинг агенцијата апликантот задолжително треба да ги достави следниве прилози:

• Тековна состојба од Централен Регистар или Решение за регистрација на здружение или фондација;
• Потврда дека нема забрана за учество во постапки за јавен повик,доделување на договори за јавна набавка и договори за јавно приватно партнерство (централен регистар);
• Дигитално пополнет предлог проект со печатни букви на кирилично писмо;
• Референтна листа или доказ (на пример: потпишан договор) за најмалку 2 проекти реализирани во областа за која што се аплицира
• Писмена поддршка и преддоговор од други организации или институции за кои е планирано да земат учество во реализацијата на проектот.

Напомена: Пријавите со непотполна документација или кои што ќе бидат доставени по iстекот на предвидениот рок нема да се разгледуваат! Доставените прилози не се враќаат.

7. Начин на спроведување на јавниот повик

За спроведување на Јавниот повик Градоначалникот со Решение ќе формира Комисија.

Комисијата ќе биде должна да изврши увид во пристигнатите предлог проекти, да изврши оценка на апликациите врз основа на критериумите дефинирани согласно Јавниот повик и  да достави предлог за склучување на договор со здружението чиј проект е најдобро оценети до Градоначалникот.

8. Рокот и начин на доставување на пријавите

Бараните документи треба да се пополнети на македонски јазик и достават во печатена форма, и електронска форма на УСБ во PDF формат, до Архивата на општина Гази Баба, ул.“Архимедова” бр.2, најдоцна до 16 часот на 20 Мај 2025 година.

Електронската верзија на докуметацијата треба да се достави и на следната e-mail адреса: Nikola.Jovanovski@gazibaba.gov.mk.