ЈАВЕН ПОВИК за субвенционирање на граѓаните на општина Гази Баба за чистење на оџаци во своите домаќинства во 2026 година
Врз основа на член 50 став (1) точка 4 од Законот за локалната самоуправа (”Службен весник на РМ” бр.5/02 и ”Службен весник на РСМ” бр.202/24), а во врска со глава IV точка 6 од Програмата на активности на Секторот за заштита на животната средина и природата на подрачјето на општина Гази Баба за 2026 година (“Службен гласник на Општина Гази Баба” бр.22/25) и Одлуката за субвенционирање на граѓаните на општина Гази Баба за чистење на оџаци во своите домаќинства (”Службен гласник на Општина Гази Баба” бр.2/23 и бр.02/25), Градоначалникот на Општина Гази Баба објавува
Ј А В Е Н П О В И К
за субвенционирање на граѓаните на општина Гази Баба за чистење на оџаци во своите домаќинства во 2026 година
- Опис на јавниот повик
1.1. Најголемиот проблем во областа на заштитата на животната средина со кој се соочува нашата општина е нарушениот квалитет на амбиенталниот воздух, особено со партикуларните честички ПМ10 и ПМ2,5. Една од поголемите причини за емисија на овие честички е затоплувањето на објектите кои не се приклучени кон централно греење, пред сè заради нецелосно согорување на огревното дрво, лошиот квалитет на дрвото, несоодветно складирање на дрвото, употребата на стари, дотраени и технички неисправни печки, како и нередовното чистење и одржување на оџаците.
1.2. Оваа мерка има цел да ги постигне следните ефекти:
- подобро согорување на огревното дрво,
- намалување на штетните отпадни гасови,
- намалување на саѓите,
- заштита од пожари,
- заштита на животна средина и природата и
- подигнување на јавната свест кај граѓаните за потребата од редовно чистење на оџаците во своите домови.
1.3. Финансиските средства за надоместување на дел од трошоците направени за чистење на оџаци се во нето износ од 1.200,00 денари по домаќинство. Персоналниот данок на доход е на товар на Општина Гази Баба.
1.4. Јавниот повик ќе трае во периодот од денот на неговото објавување, заклучно со 30.11.2026 година, односно, сè до искористување на финансиските средства предвидени за оваа намена со Буџетот на Општина Гази Баба за 2026 година.
- Право на учество на Јавниот повик
2.1. Право на учество на Јавниот повик имаат жителите на општина Гази Баба, кои ги исполнуваат условите од овој Јавен повик односно, кои го исчистиле оџакот на својот дом во период од денот на објавата на Јавниот повик до 30.11.2026 година, односно, до исцрпување на средствата наменети за оваа намена со Буџетот на Општина Гази Баба за 2026 година.
- Услови што треба да ги исполни барателот
3.1. Барателот треба да ги исполни следниве услови:
- да е жител на општина Гази Баба,
- адресата на реализираното чистење на оџакот да се совпаѓа со адресата од важечкиот личен документ на барателот,
- објектот каде што е исчистен оџакот да не е во фаза на градба,
- да достави оригинална фискална сметка за извршено чистење на оџак со датум од денот на објавување на Јавниот повик до денот на исцрпување на финансиските средства предвидени за оваа намена со Буџетот на Општина Гази Баба, но не подоцна од 30.11.2026 година; и
- да достави оригинална потврда за извршено чистење на оџак со датумот на доставената оригинална фискална сметка издадена од оџачар вработен во фирма регистрирана со шифра на дејност 81.22 во согласност со Националната класификација на дејност.
- Начин на пријавување на Јавниот повик
4.1. За надоместување на дел од трошоците и докажување дека условите за учество во Јавниот повик се исполнети, барателот е должен да ја поднесе следната документација:
- барање за субвенционирање на граѓаните на општина Гази Баба за чистење на оџаци во своите домови (барањето може да се подигне во архивата на Општина Гази Баба или да се обезбеди од интернет страницата на Општината: (www.gazibaba.gov.mk)),
- фотокопија од важечка лична карта на барателот, како доказ дека е жител на општина Гази Баба,
- фотокопија од трансакциската сметка на барателот,
- доказ дека е извршено чистење на оџакот (оригинална фискална сметка и оригинална потврда издадена од овластена фирма за таа дејност)
4.2. Само едно лице од домаќинство може да аплицира за добивање на субвенција за исчистен оџак.
4.3. Барателот своето барање за искористување на правото за надоместок, заедно со потребната документација, треба да го достави во затворен плик во архивата на Општината на адреса ул. „Архимедова“ бр.2, секој работен ден од 07:30 до 16:30 часот. На пликот треба да е наведено: „Јавен повик за субвенционирање на граѓаните на општина Гази Баба за чистење на оџаци во своите домаќинства.”
4.4. Архивата на Општина Гази Баба примените барања ќе ги евидентира со точното време на поднесување (датум, час и минута) заради воспоставување редослед по кој ќе се разгледуваат барањата.
- Начин на спроведување на Јавниот повик
5.1. За спроведување на Јавниот повик Градоначалникот формира Комисија за спроведување на Јавниот повик за субвенционирање на граѓаните на општина Гази Баба за чистење на оџаци во своите домаќинства во 2026 година.
5.2. Општина Гази Баба, во зависност од динамиката на пристигнување на барањата, периодично ќе ја известува јавноста за преостанатите средства, се до 30.11.2026 година, односно до нивно целосно искористување, на својата веб страна (www.gazibaba.gov.mk)
5.3. Исплатата на средствата ќе се врши сукцесивно, според редот на пристигнати барања, се до трошење на предвидениот буџет за оваа намена.
5.4. Кога ќе бидат исцрпени предвидените финансиски средства, Општина Гази Баба, на својата веб страна ќе го објави завршувањето на Јавниот повик.
- Начин на остварување на правото на надоместок
6.1. Градоначалникот на Општина Гази Баба на предлог на Комисијата ќе донесе решение за усвојување на барањето на барателите кои ги исполниле условите од Јавниот повик.
6.2. Согласно Изборниот законик од денот на донесувањето на одлуката за распишување на избори за Градоначалник и членови на советот, па до денот на објавување на конечност на резултати од изборите од страна на Државната изборна комисија, Онема да се врши исплата на решенијата од потточка 6.1.
6.3. Градоначалникот на Општина Гази Баба на предлог на Комисијата ќе ги извести за неусвојување на барањето барателите кои не ги исполниле условите од Јавниот повик.