Донација од Амбасадата на Народна Република Кина во Гази Баба

Во посета на Општина Гази Баба беше амбасадор на Народна Република Кина, Н.Е. Џанг Ѕуо, со кого градоначалникот Бобан Стефковски потпиша меморандум за соработка помеѓу амбасадата на Народна Република Кина и Општина Гази Баба.

Амбасадата на Народна Република Кина донираше четири смарт табли и еден лап топ компјутер за нашите општински училишта.

Согласно одлуката на Советот две смарт табли ќе се постават во ООУ Григор Прличев, а по една смарт табла ќе добијат ООУ Стив Наумов и ООУ Крсте Мисирков.

Ова не е прва донација која амбасадата на Народна Република Кина и ја доделува на Oпштина Гази Баба. Во минатото извршена е донација на 310 таблети за учениците од нашите училишта.