Еколошки конкурс “Денови на пролетта – Денови на екологија”

Врз основа на член 50 став (1) точка 4 од Законот за локалната самоуправа (”Службен весник на РМ” бр.5/02) и точка 8 од Програмата за заштита на животната средина и природата на Општина Гази Баба за 2024 година (Службен гласник на Општина Гази Баба бр.19/23), Градоначалникот на Општина Гази Баба објавува:

Еколошки конкурс 

 “Денови на пролетта – Денови на екологија”

за избор на

1. Најеколошка компанија (компанија со успешна примена на еколошки стандарди и особен придонес кон зачувување на животната средина на територија на Општина Гази Баба).

   2. Најголем придонес во областа на животната средина (правни и/или физички лица кои со своја активност и залагање       сториле најмногу за зачувување и унапредување на животната средина во општина Гази Баба, во смисол на заштита на    медиумите и областите на животната средина, намалување на користење на обновливи видови енергија и слично. Во предвид ќе се земат активности кои се реализирале на територија на општината Гази Баба  ).

      3. Најубаво уреден двор (двор на објект за инвидуално домување на територија во Општина Гази Баба).

     4. Најубаво уреден двор (двор на објект за колективно домување на територија во Општина Гази Баба).

      5. Најубав состав/расказ/стихотворба на тема екологија (за ученици од основните училишта во Општина Гази Баба и тоа од 1 – 5^то одделение).

     6. Најубав состав на тема екологија (за ученици од основните училишта во Општина Гази Баба и тоа од 6 ^то – 9 ^то одделение).

    7. Најубав цртеж на тема екологија (за ученици од основните училишта во Општина Гази Баба и тоа од 1 – 5 ^то одделение).

   8. Најубав цртеж на тема екологија (за ученици од основните училишта во Општина Гази Баба и тоа од 6 ^то – 9 ^то одделение).

   9. Најубав цртеж на тема екологија (за деца од градинките во општина Гази Баба).

Пријавите на заинтересираните граѓани, невладини организации, претпријатија и други правни и физички лица треба се достават по пошта или во архива  на адреса: Општина Гази Баба – Сектор за заштита на животната средина и природата, ул.„Архимедова “ бр.2, со назнака Јавен конкурс –  Еколошки конкурс “ Денови на пролетта-Денови на екологијата”, задолжително треба да е назначена категоријата за која се пријавува.

За првите две категории, предвидена е по една награда во износ од по 50.000,00 денари.

За третата и четвртата категорија најубаво уреден  двор, предвидени се две награди (инвидуално домување и колективно домување), во износ од по 45.000,00 денари.

За петтата, шесттата, седмата, осмата и деветтата категорија се предвидени по три награди во износ од  21.110,00 денари по категорија (прва награда 10.000,00 денари, втора награда 6.000,00 денари и трета награда 3.000,00 денари).

Разгледувањето на пристигнатите пријави и одбирањето на кандидатите ќе го врши соодветна комисија, која Градоначалникот на Општина Гази Баба ќе  ја формира од претставници на вработените во општинската администрација.

Пријавувањето започнува веднаш и трае до 10 мај 2024 година.  

Прогласувањето на добитниците во сите категории ќе се одржи во рамките на одбележување на Светскиот ден за заштита на животната средина, од страна на Градоначалникот на Општина Гази Баба.

Решенијата за исплата наградите ќе започнат да се применуваат од денот на објавување на конечните резултати за избор на претседател на Република Македонија и избор на пратеници во Собранието на Република Македонија кои ќе се одржат на 8 мај 2024 година, од Државната изборна комисија