Финансиска поддршка од 3.000 денари за секое прваче во Општина Гази Баба

Почитувани сограѓани,

 

Со особена гордост ве информирамe дека Општина Гази Баба и оваа година го реализира проектот — финансиска поддршка за секое дете запишано во прво одделение.

 

Овој проект има за цел директно да ги поддржи семејствата на нашите најмлади ученици во еден од најважните моменти од нивниот живот — почетокот на формалното образование. Со доделување на еднократна помош во висина од 3.000 денари по дете, сакаме да придонесеме за полесно справување со трошоците кои се јавуваат при подготовката за прво одделение: набавка на училишен прибор, облека и други потребни материјали.

 

Оваа мерка е насочена кон:

 

• Поттикнување на еднакви можности за сите ученици;

• Финансиска поддршка за младите семејства;

• Унапредување на условите за образование од самиот почеток.

 

Ова е исполнето ветување од мојата изборна програма, со што уште еднаш докажавме дека стоиме зад дадените зборови и работиме во интерес на граѓаните. Образованието и грижата за децата остануваат наш врвен приоритет!

 

За остварување на правото на финансиска поддршка, потребно е родителот или старателот да поднесе барање до Општина Гази Баба, со следните документи во прилог:

 

-Извод од матична книга на родени за првачето

-Копија од решението за старателство (доколку е применливо)

-Потврда за запишан ученик во прво одделение, заверена од основно училиште на подрачјето на Општина Гази Баба

-Копија од важечка лична карта или патна исправа на родителот кој го поднесува барањето

-Копија од банкарска картичка и трансакциска сметка на родителот кој го поднесува барањето

-Поднесете го Вашето барање навремено и со целосна документација, за да се овозможи брза и ефикасна исплата.