ГРИЖАТА ЗА НАЈРАНЛИВИТЕ Е НАША ЗАЕДНИЧКА ОБВРСКА
Денес градоначалникот Бобан Стефковски потпиша договор со министерот за социјална политика, демографија и млади Ѓоко Велковски и секретарот на Црвениот крст на Македонија Сузана Тунева Пауновска, со кој се обезбедува грант за развивање на социјалната услуга „Помош и нега во домот“, која ќе ја реализира Црвениот крст на територијата на Општина Гази Баба.
Со оваа услуга создаваме дополнителна поддршка за лицата кои поради возраста, здравствената состојба, попреченоста или други животни околности имаат потреба од помош и поддршка во секојдневното функционирање во сопствениот дом.
„Помош и нега во домот“ не е само социјална услуга – таа е конкретна поддршка, внимание и човечка грижа за оние на кои им е најпотребна.
Особено значајно е што преку оваа услуга им овозможуваме на повозрасните и ранливите граѓани да добијат соодветна помош во нивниот дом, во средината во која се чувствуваат најсигурно и најкомотно.
Согласно важечкиот Правилник за начинот и обемот на социјалните услуги, нормативите и стандардите за давање на социјалната услуга „Помош и нега во домот“, како и дозволата за вршење дејност од социјална заштита, ќе се обезбедуваат активности прилагодени на потребите на корисниците.
Целта е едноставна – да создадеме општина во која никој нема да биде оставен сам кога му е потребна помош.
Подаваме рака на оние на кои им е потребна нашата помош, затоа што солидарноста, човечноста и грижата за другиот се вредности кои треба секојдневно да ги негуваме.
Сакаме нашите сограѓани да знаат дека имаат поддршка, дека нивните потреби се важни и дека институциите и организациите можат заеднички да направат вистинска промена во нивниот живот.
Овој договор е уште еден чекор кон создавање подобри услови за живот на најранливите категории граѓани и кон градење заедница во која грижата не останува само на зборови, туку се претвора во конкретна помош.
Со заедничка работа со Црвениот крст, со институциите и со сите чинители во заедницата, продолжуваме да создаваме услуги кои одговараат на реалните потреби на граѓаните.
Затоа што секој заслужува достоинствен живот, внимание и поддршка.
Обезбедуваме помош и нега за најранливите.
Подаваме рака на оние на кои им е потребна нашата помош.
Се грижиме за нашите сограѓани и заедно градиме похумана, посолидарна и поодговорна Гази Баба.
СЕ ГРИЖИМЕ ЗА СИТЕ!
