ИСПОЛНЕТ УШТЕ ЕДЕН ЧЕКОР КОН ВОВЕДУВАЊЕ ЗОНСКО ПАРКИРАЊЕ ВО АВТОКОМАНДА
Денес на седницата на Советот на Општина Гази Баба, беше донесена Одлука за воспоставување меѓуопштинска соработка со Град Скопје за поставување сообраќајна сигнализација и направи за смирување на сообраќајот во Автокоманда.
Со оваа одлука создаваме услови за реализација на следната важна фаза и се приближуваме до воведувањето зонско паркирање во населбата.
Активностите ќе ги реализира ЈП „Улици и патишта“, врз основа на изработениот Основен сообраќаен проект за измена на режимот на сообраќај на постојната улична мрежа во Автокоманда.
Јасната сообраќајна сигнализација и мерките за смирување на сообраќајот се важни за поголема безбедност на сите учесници, особено на пешаците, децата и повозрасните граѓани.
Подобрата организација на паркирањето треба да придонесе за порационално користење на расположливите паркинг-места, попристапни улици и поуреден јавен простор.
Нашата цел е да одговориме на секојдневните потреби на жителите на Автокоманда со плански и координирани активности, кои ќе донесат поголем ред во паркирањето и посигурно одвивање на сообраќајот.
Продолжуваме чекор по чекор кон побезбедна и поуредена Автокоманда