Jавен повик за организирање на Јавна презентација и Јавна анкета по Нацрт ДУП за ГЧ СИ 08 Блок 01, Општина Гази Баба-Скопје
Jавен повик за организирање на Јавна презентација и Јавна анкета по Нацрт ДУП за ГЧ СИ 08 Блок 01, Општина Гази Баба-Скопје.
Врз основа на член 50 став (3) од Законот за урбанистичко планирање (‘’Сл.весник на РСМ’’ бр.32/2020 и бр.111/2023), Општина Гази Баба доставува:
JАВЕН ПОВИК ЗА ОРГАНИЗИРАЊЕ НА
ЈАВНА ПРЕЗЕНТАЦИЈА И ЈАВНА АНКЕТА
Се известуваат граѓаните, сите заинтересирани правни и физички лица од подрачјето опфатено со планот, подрачјата соседни на планскиот опфат, широката јавност, претставници на стручната јавност, претставници од органи на државна управа, претставници на единиците на локална самоуправа, стручни лица од невладини организации и други стручни лица од областа што е релевантна за планирањето и за конкретниот плански опфат, дека Општина Гази Баба организира
ЈАВНА ПРЕЗЕНТАЦИЈА И ЈАВНА АНКЕТА
по Нацрт ДУП за градска четврт СИ 08 Блок 01, oпштина Гази Баба – Скопје
Нацрт – Детален урбанистички план за градска четврт СИ 08 Блок 01, Општина Гази Баба – Скопје изработен од ДУПИ “ТЕКТОН” ДООЕЛ Скопје, со тех.бр. 313/20 од Април 2024 година со површина на опфат од 12,854 ха., е утврден од страна на Советот на Општина Гази Баба со ОДЛУКА бр.09-2312/8 од 30.04.2024 година.
Границите на планскиот опфат се:
- Североисточно – осовина на собирна улица ”Перо Наков”;
- Југоисточно – осовина на сервисна улица ”С3”;
- Југозападно – осовина на сервисна улица ”С1”;
- Северозапад – осовина на собирна улица ”Маџари”.
Во рамките на Нацрт – Детален урбанистички план за градска четврт СИ 08 Блок 01, се предвидени следните класи на намена:
- А2 – домување во згради;
- Г2 – лесна преработувачка и помалку загадувачка индустрија;
- Г4 – стоваришта, складови и отпади;
- Д1 – парковско и пејсажно зеленило;
- Д2 – заштитно и сообраќајно зеленило;
- Д3 – спорт и рекреација на зелена површина;
- Е1 – сообраќајни, линиски и други инфраструктури;
- Е2 – згради и комплекси на инфраструктура.
ЈАВНАТА ПРЕЗЕНТАЦИЈА на Нацрт – Детален урбанистички план за градска четврт СИ 08 Блок 01, Општина Гази Баба – Скопје, ќе се одржи на ден 05.06.2024 год. со почеток во 10.00 часот во просториите на Општина Гази Баба, барака 8 (голема сала).
ЈАВНАТА АНКЕТА по Нацрт – Детален урбанистички план за градска четврт СИ 08 Блок 5, Општина Гази Баба – Скопје, ќе трае 30 дена и тоа во период од 30.05.2024год. до 28.06.2024год.
Јавната анкета се спроведува и во електронска форма и во хартиена форма. Јавната анкета во електронска форма се спроведува преку информацискиот систем е-урбанизам и преку службената веб страна на Општина Гази Баба (www.gazibaba.gov.mk) , а во писмена форма се спроведува со излагање на планот во просториите на Урбаната заедница ″Маџари 1″.
Графички прилог на Нацрт Детален урбанистички план за градска четврт СИ 08 Блок 01, Општина Гази Баба – Скопје ќе биде изложен во просториите на Урбаната заедница ″Маџари 1″, секој работен ден од 8,00 часот до 16.00 часот, а ќе биде достапен и во просториите на Општина Гази Баба, Сектор за урбанизам и градежно земјиште, Одделение за урбанистичко планирање.
Учесниците во јавната анкета можат своите забелешки и предлози на Нацрт планот да ги доставуваат на донесувачот во писмена форма преку анкетни листови до Урбаната заедница “Маџари 1”, преку информациски систем е-урбанизам, како и по електронски пат до веб адресата на Општината, само во определениот рок за времетраење на Јавната анкета.
Се со цел навремено доставување на писмени забелешки, предлози или мислења преку анкетни листови и активно учество на јавната презентација и јавната анкета, Ве покануваме да присуствувате на Јавната презентација.
Доколку во определениот рок не ги доставите анкетни листови, ќе се смета дека немате никави забелешки, предлози и мислења по Нацрт ДУП за градска четврт СИ 08 Блок 01, Општина Гази Баба – Скопје.
Линк :
https://www.e-urbanizam.mk/komentari-oglasi.nspx?announcementId=2513