КОНКУРС за доделување стипендии на талентирани ученици и ученици спортисти од општина Гази Баба за учебната 2022/2023 година
Врз основа на членот 12 став 1 од Правилникот за доделување стипендии на талентирани ученици и ученици спортисти од општина Гази Баба (“Службен гласник на Општина Гази Баба“ број 9/2022), Комисијата за доделување стипендии на талентирани ученици и ученици спортисти од Општина Гази Баба, на 5 октомври 2022 година, распишува
КОНКУРС
за доделување стипендии на талентирани ученици и ученици спортисти од општина Гази Баба за учебната 2022/2023 година
Износот на стипендијата изнесува 3.000,00 денари месечно без пресметан персонален данок. Персоналниот данок на стипендијата го пресметува и плаќа општина Гази Баба.
Стипендијата се исплаќа од први до петти во текот на месецот за претходниот месец, девет месеци непрекинато во текот на учебната година, почнувајќи од месец септември од тековната календарска година заклучно со месец мај од наредната календарска година.
Во учебната 2022/2023 година Општина Гази Баба доделува 21 стипендии на талентирани ученици и 21 стипендии на ученици спортисти.
НАПОМЕНА: РОКОТ ЗА ПОДНЕСУВАЊЕ ПРИЈАВИ ЗА КАНДИДАТИ ЗА СТИПЕНДИИ ТРАЕ ЗАКЛУЧНО СО 15 ОКТОМВРИ 2022 ГОДИНА.
Во прилог подолу може да го погледнете целиот јавен повик